Bihar eta etzi irteerak antolatu dira gure eskualdean. Hitzordua, bihar egin dute 8:45ean Alkizako plazan. Eguerdian, hamaiketakoa egingo dute. Edariak Alkizako eta Zizurkilgo udalek jarriko dute eta janaria norberak eraman beharko du. 13:30etarako egingo dute buelta eta arratsaldez, 16:30ean plazan elkartu eta saguzarrentzako kabiak jartzera joango dira basora. 20:30ean Alkizako plazan saguzarrek emititzen zituzten ultrasoinuak entzungo dituzte gailu baten bidez.
Igandean, Santa Lutzia eta Uzturren zehar ibilaldi gidatua egingo dute. Hiru orduko iraupena izango du eta bi hitzordu jarri dituzte abiatzeko: 10:30ean Triangulotik eta 10:45ean Samaniegoko aparkalekutik. Santa Lutziatik Miserikordia zaharreko lursailetara joango dira eta bide horretan jarri diren interpretazio panelak eta mahai panoramikoa ikusiko dituzte adituen laguntzarekin.