Ordiziako Argi Berri elkartean 70 lagun inguru bildu ziren afaritara eta Igor Eguren gai-jartzailearen esanetara aritu ziren Oihana Iguaran eta Gemma Urteagaz , Jokin Bergara, Maialen Akizu, Ortzi Murua eta Unai Mendizabal zizurkildarra.
Hirugarren eta azken kanporaketa Gabiriako Aztiri Elkartean jokatuko da datorren larunbatean. Jon Gurrutxaga, Aratz Igartzabal, Mikel Iturriotz, Eñaut Martikorena, Txaber Ormazabal eta Maddi Sarasua arituko dira. Aztiri saritik beste bi bertsolari sailkatuko dira apirilaren 11ko finalera eta dagoeneko txartela lortua duten Eneritz Artetxe, Xabi Igoa, Gemma Urteaga eta Oihana Iguaranek osatzen duten laukotera batuko dira.