Herri borondoteak gauzatzen

Amasa-Villabonako Gure Esku Dagok antolatutako saioa atzeratu behar izan zuten elurra zela eta. Gure Esku Dagok antolatutako Herri borondateak gauzatzen hitzaldia otsailaren 19an egingo dute, 19:30etik aurrera, Villabonako Subijana etxean. Otsailaren 4rako zuten antolatuta, baina elurra zela eta atzeratu egin behar izan zuten. Datorren astean, hortaz, Arrankudiaga-Zalloko eta Etxarri-Aranazko herri kontsultak antolatzen ibilitako hainbat kide eta Gure Esku Dago ekimeneko Karmele Olabarrieta izango dira hitzaldia eskaintzen. Zizurkilgo Igotz Alkorta Euskadi Irratiko kazetaria izango da moderatzailea.