Eguraldia lagun izan ez badute ere, Zubimusuko ikasle, irakasle, guraso eta ikasle ohiak goiz guztian zehar kalejiran ibili dira Zizurkil eta Villabonako kaleetan zehar. Txaranga, ikastolako maskota eta Argitxo izango dituzte lagun, eta aipatu behar da haur nahiz helduetan Argitxok piztu duela ikusmin gehien. Guztiek nahi zuten berarekin argazki bat lortu. Malkar plazan egin dute ekimen nagusia. Bertan kartoizko kaxekin ikastolaren logotipo berria eraiki dute, eta gainera, helduei pintxoak eta haur eta gaztetxoei palomitak ere banatu dizkiete.
Zubimusu ikastola Jesusen Bihotza ikastola zena da, baina zentroaren izaera juridikoa aldatu berri dute eta horregatik logotipo eta izen berria ere sortu dituzte. Orain, Ikastolen Elkarteko kooperatiba barruan dago Zubimusu ikastola ere.