Irrintzi Elkarteak urtero antolatzen duen azoka berezia jendez lepo ibili da gaur goizean Amasa-Villabonan. Goizean eguzkiari bezala kosta zaio jendeari kalera ateratzea, baina 11:00k aldera gero eta jende gehiago gerturatzen joan da eta eguerdian giro polita sortu da.
45 postu aurki zitezken Txermingo ikastolan jarri duten azokan. Errioxako, Nafarroako, Arabako, Bizkaiko, Iparraldeko eta Gipuzkoako hainbat produktu erosi eta dastatzeko aukera izan da bertan. Horrez gain, artisauek euren lanak erakusteko parada ere izan dute. Gozozaleek ere izan dute non aukeratu, hainbat postutan erroskillak edo bizkotxoak bezalakoak aurki baitzitezkeen.
