Jendez lepo zegoen Villabonako plaza txupinazoaren aurretik. Adin guztietako pertsonak, kolore ugaritako kamisetekin.... Festak noiz hasiko zain. Xake Joko elkarteko kideak izan dira eskenatokiaren gainean feste hasiera emateko ardura izan dutenak. Eta behin suziria lehertu ostean, txaranga martxan jarri da. Jendea alai nabari zen, datozen egunei aurre egiteko gogoz.
Txupinazoaren jarraian futbito txapelketako finala, herri afaria eta urtetik urtera gero eta jende gehiago biltzen duen danborrada izango dira. Gauean plazan Zea Mays eta Izerberg taldeen kontzertuak izango dira, eta txistulari plazan 40 urtetik gorakoentzat DJ emanaldia.
Billabonatarrek 8 egun dituzte aurretik gelditu gabe, festan jarraitzeko.
BIHARKO EGITARAUA
08:00. Diana Loatzoko trikitilariekin.
10:00. Haurren krosa Altzin plazatik.
11:00. Helduen krosa Altzin plazatik.
12:15. Ikurrinaren igoera, Errebote plazan.
12:30. Loatzo musika bandaren emanaldia, Errebote plazan.
18:00. Soka-dantza Malkar plazan.
19:30. Sokamuturra, Errebote plazan, Hernaniko dultzaineroek alaituta.
22:30. Eresargi eta Eresargi Txiki abesbatza & Umama (Juantxo Zeberio Etxetxipia Jazz Quartet), Amalur parkean.
00:30. Dantzaldia, Errebote plazan, Triki ta ke taldearekin.