Gipuzkoako Minbiziaren Aurkako Elkarteak datorren uztailaren 18an, eguzkitik babesteko kanpaina martxan jarriko du Villabonako Malkar plazan.
Kanpainaren barruan kamioi interaktibo bat eramango dute Villabonara eta bertara gerturatzen diren pertsonek eguzkiak gure azalean duen eraginari buruzko bideo bat ikusi ahal izango dute. Honez gain, informazio mahai batzuk jarriko dituzte eta bi profesional eta boluntario talde bat prebentziorako informazioa emango dute. Nahi dutenek melanina neurtu ahalko dute, eguzkitan zenbat denbora egon daitekeen jakiteko. Gainera, karpa bat jarriko dute non, umeek beraien txokoa edukiko duten eta bertan jolastu, marraztu, margotu eta txapak egin ahal izango dituzte, guzti hori boluntarioak eramango dute eta eguzkiak zer nolako eragina duen beraien azalean azalduko diete umeei.