Oria Merkatarien elkarteak apirilaren 1ean hasitako Erosi hemen eta joan hadi Parisera kanpaina amaitutzat eman zuen atzo, saria zozketatu ostean . Irabazlearen txarteltxoa kalean zegoen herritar batek atera zuen kutxatik. Inma Etxezarreta villabonatarra izan zen irabazlea, Musturiarena harategian betetako txartel bati esker. Zozketa egin bezain laster eman zioten berria telefonoz. Etxezarretak asteburu bat pasako du Parisen eta 150 euro ere izango ditu gastuak ordaintzeko.
Atzo eguerdian zozketatu zuten Oria merkatari elkarteko kideek, euren bezeroen artean, Parisera joateko bidaia.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!