Loatzoko Igoera-Jaitsiera lasterketaren 22. edizioa ospatuko da igandean, Amasan. Parte hartzaileak 10:30ean irtengo dira Uxo-Toki Elkartetik, eta9,7 kilometroko ibilbidea egin beharko dute. Izena emateko egunean bertan joan behar da Uxo-Toki Elkartera. Horretarako ateak 09:00etan zabalduko dituzte.
Amasako plaza itsasoko mailatik 90 metrora dago. Loatzo gaina, aldiz, 631 metrora. Korrikalariak plazatik abiatuko dira, eta Loatzora igo ondoren, berriro irteera puntura jaitsi beharko dira. Antolatzaileen esanetan, jaitsiera «arriskurik gabekoa da». Ibilbideaz gozatzeko aukera dagoenez, parte hartzera gonbidatu dituzte eskualdeko herritarrak antolatzaileek, hau da, Uxo-Toki Elkarteko kideek. Sariei dagokienez, lehen hiru sailkatuek jasoko dute, gizonezkoetan nahiz emakumezkoetan. Irabazleak 120 euro jasoko ditu; helmugara bigarren iristen denak, 80 euro, eta azkenik, hirugarren postua lortzen duenak 50 euro.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
