Villabonako Udaleko EH Bildu eta EAJ alderdiek mozio bat adostu dute Espainiako bandera jartzearen kontra azaltzeko. Gaur goizean egin dute ez ohiko osoko bilkura eta aho batez onartu dute. PSE-EEko ordezkaria ez da azaldu. Ez ohiko osoko bilkura eta gero, ikurrinaren aldeko ekitaldia egin dute herriko plazan.
Villabonako Udaleko alderdi abertzaleek esan dutenez, "gureak ez diren ikurren kontrako mozioa" da onartu dutena.
Apirilaren 14rako datarekin iritsi zaie Espainiako bandera jartzeko agindua. "Espainiako bandera jartzera behartu gaituzte, herritarren borondatearen kontra", esan dute. "Herritarrek aukeratzen dituzte beraienak diren ikurrak, besteak inposaketaren ikurrak dira", esan dute.
Bukatzeko nabarmendu dute Villabonan inposaketaren bidetik bakarrik ikusiko dutela Espainiako bandera. Carlos Urquijo Espainiako Gobernuak EAEn duen ordezkariari ere mezua bidali diote: "Bandera kentzeko eguna ere iritsiko da".
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
