Otsailaren 25ean egin zuten herriko hainbat eragilek parte hartzea arautuko duen ordenantza prestatzeko azken bilera. 35 lagun eta 27 eragile politiko, sozial eta kulturaletako ordezkariak bildu dira ordenantza egiteko, eta bilerak oso aberasgarriak izan direla diote parte hartzaileek.
Orain bilera hauetan parte hartu dutenek adostutako ordenantza publiko egingo dute, eta hilaren 31a arte herritarren ekarpenak jasoko dituzte. Behin epe hori igarota, behin betiko ordenantza dokumentua osatuko da eta antolatzaileen esanetan "herritarren hitza bermatua egongo da" Amasa-Villabonan.
Amasa-Villabonako Udalak parte hartze batzordea azaroan sortu zuen, eta parte hartze proiektu arautzailea bideratzea zen asmoa.