Bilkuran herriko hainbat eragile sozial, kultural eta politikotako ordezkariak izan ziren, eta lehen bilera izaki elkar ezagutzeko eta proiektua kokatzeko baliatu zuten dinamizatzaileek deialdia. Udalak esan duenez, hausnarketa interesgarriak izan ziren herritarren partetik, parte hartzea nola ulertzen duten eta herrian nola behar lukeen aztertuz. Dinamizatzaileek aho-zapore onarekin amaitu zuten lehen bilera, partaideek balorazio taulan islatu zutenez.
Beste bi bilera egingo dituzte oraindik eta hurrengoa otsailaren 11an izango da. Bertan ordenantzak herritarren parte hartzea bideratzeko dituen tresnak aztertuko dituzte; tartean, galdeketa.
