Villabonako Udalak herritarren partaidetza bermatuko duen ordenantza sortzeko irekitako prozesu parte hartzaileak beste urrats bat eman du. Orain arte prozesua bideratuko duen aholkularitza enpresa aukeratu dute, EMUN hain justu, eta bide beretik, enpresako Denis Elortza aholkulariarekin lehen bilera ere egin dute.
Bilera horretan herritarrekin egingo dituzten bileren datak finkatu dituzte; urtarrilaren 28an, eta otsailaren 11n eta 25ean. Batzordearen lana bilera horiek prestatzea izango dela esan du udalak. Herritar bezala bileran parte hartzeko izena eman behar da eta hiru bileretara joatea eskatzen dute.
Udalean ordezkaritza duten alderdi guztiek, hau da, EH Bildu, EAJ eta PSEk, egin dute bat ekimen honekin eta ondorioz, batzordeko kide ere badira. Era berean, herritarrei parte hartzeko eskatu die udalak "proiektu parte hartze honetatik jaioko den ordenantza ahalik eta pluralena izan dadin".
Galder Azkue alkatea Tolosaldeko Ataria irratian gai honen inguruan egindako adierazpenak: