«Sentimendu asko trasmititzen dituen emanaldi ikusgarri» gisa definitu dute protagonistek, eszenatokian izango diren 60 dantzari, bi aktore eta lau musikok indar eta pasioz betetako zuzenekoa prestatu baitute. Herritarren aurrean antzezlana eskaintzea, «ohore handi bat» dela ere diote.
Duela bi urte egin zuten topo lehenengo aldiz Oinkarik eta Hika Teatroak, 'Amantalen ahotsa' ikuskizunarekin. Harrez geroztik, harreman estua izan dute, eta talde bien arduradunetako bakoitzak hitz onak besterik ez ditu bestearekiko. «Esperientzia aberasgarria izan da Agurtzanerekin lan egitea, pasio asko transmititzen du eta artistikoki ideia asko ditu» dio Eneko Arteaga Oinkariko arduradunak. «Ilusio, freskotasun eta indar askoko taldea» bezala definitu du Oinkari, Agurtzane Intxaurraga Hikako kideak.
Ikuskizuna Olaederra kiroldegian izango da, abenduaren 14ean, 22:30ean, eta sarrerak www.kutxasarrerak.net helbidean eta Amasa kafetegian erosi daitezke.