Mikel Ayestaranen -SEGIko kidea izatea egotzita auzipetua– eta Iratzar tabernaren –herriko tabernen auzian kaltetutako herriko tabernetako bat– epaiketak salatzeko Libre eguna ospatzen ari dira Amasa-Villabonan. Egun osoko egitaraua prestatu dute. Goizean goiz, herri kirolak izan dituzte eta inguruko herrietako gazte hainbat bildu dira, hala nola, asteasuarrak, zizurkildarrak, baita tolosarrak ere. Guztiek batera bazkalduko dute, eta arratsaldean, erraldoi eta buruhandiekin kalejira egin, 18:00etan bertso-triki poteoan ibili eta 22:00etan kontzertuak izango dira: Desira, Gor Kore eta DJ-a.
