Hala ere, 2013ko diru bilketa positiboa izango dela ikusita eta egoera sozioekonomikoa ere ez dela onena, herritarrei keinu egin nahi izan zaie zerga eta tasetan igoera bat ezarriz, baina aurreko urteetan ez bezala, KPIaren azpikoa izanaz: hala, onartutako proposamena zergak eta tasak %2,2an igotzean datza.
Bestalde, ur kontsorzioarekin adostasunera iritsiz, kontsumoa eta bere salneurria neurtzeko egitura aldatuko da: orain arte etxebizitzen kontsumoa multzoka egiten zen, eta hemendik aurrera etxebizitza bakoitza eta bertako kideen kontsumo zehatza ordainaraztea da asmoa, «ur kontsumo arduratsua lagunduz eta gehiegizkoa zigortuz, bidezkoagoa den fakturazioa» lortzeko, Azkue alkatearen esanetan.
Ondasun higiezinei, jarduera ekonomikoari eta kreditu kooperatibei loturiko neurriak ere hartu ziren.