Joseba Tapia musikariak Mister Eleizegi disko berria ondu du, eta etzi —hilaren 7an— aurkeztuko du, Altzo Azpiko Salbatore Deunaren elizan. Altzoko Handia abiapuntutzat hartuta, Koldo Izagirre idazlearekin elkarlanean osatu ditu abestiak trikitilariak.
Jarduera hau ere Muga, Mila urte Gipuzkoak eta Altzok ekimenaren barruan antolatu dute, Ipuskoa hitzaren lehen idatzizko testuaren milurtekoaren harira.