Abenduaren 14an egingo dute Altzon bertako produktuen azoka eta, dagoeneko, eman daiteke izena. Bederatzigarren edizioa du aurten ekimenak, eta helburuak bertako ekoizleen produktuak ezagutaraztea zein saltzea eta ekoizleen eta erosleen arteko harremana sustatzea dira, besteak beste.
Aipatu bezala, dagoeneko zabalik dago izena emateko epea, eta abenduaren 2a izango da horretarako azken eguna. Interesa dutenek Altzoko Udalarekin edo kultur batzordeko kidekin jarri behar dute harremanetan 943 65 24 13 telefono zenbakira deituta edo udala@altzo.eus zein kultura@altzo.eus helbide elektronikoetara idatzita.
Udaletik aurreratu dute postuak banatzeko garaian zenbait irizpide erabiliko dituztela, horien artean, ekoizlea herritarra izatea, antolakuntzak gonbidatua izatea, eta «helburu kolektibo eta soziala» izatea. Hari berari tiraka, udalak izena ematera gonbidatu ditu herritarrak azokan «ahalik eta produktu gehien» bildu daitezen.