Martin San Sebastian Agirre iheslari altzotarra hil da Venezuelan, gaixotasun baten ondorioz. Venezuelan bertan egin diote agur ekitaldia.
Altzon jaioa, bertako Errekalde baserrian egin zituen 12 urte, eta ondoren, Anoetara bizitzera joan zen senideekin. 1978an egin zuen ihes, 24 urte zituela, Ipar Euskal Herrira eta Kanbon hilabete batzuk pasa ondoren Venezuelara joan zen. 46 urte erbestean pasa ondoren, duela egun gutxi topatutako gaitz baten ondorioz hil da San Sebastian.