Hirugarren eguna dute gaur Altzoko jaiek, eta denetariko jarduerak izan dituzte gaur ere. Eguerdi aldera paellak prestatu dituzte herritarrek taldeka eta, guztira, 250 lagun inguru bildu dira bazkaltzeko orduan.
Haurrak ere badute lekua festetan, eta eurentzako jolasak eta aurpegiak margotzeko tailerra izan dituzte, Txatxilipurdi elkartearen eskutik. Arratsaldetik iluntzera, berriz, herria alaituko du Elektrotxufla elektrotxarangak, eta zahagiardoa izango dute afaltzeko. Gauean, berriz, Skaregekasko taldea igoko da oholtza gainera, eta atzetik izango da DJ Lilith Selektah.
Egitaraua
- 17:30. Elektrotxufla elektrotxaranga.
- 20:30. Zahagiardoa.
- 00:00. Skaregeakasko taldea.
- Ondoren. DJ Lilith Selektah.
- Goizaldera. Txokolatada.