48 postuak goizerako prest zeuden pilotalekuan. Jendea falta zen, eta hauek, goxotasuna azokan bilatu dute, eta nola gainera. «Azoka guztiz arrakastatsua izan da», zioten antolatzaile eta herritarrek. Altzotarrek euren aldetik dena jarri dute. Batzuk errepidean autoei laguntzen, besteak, pilotalekuan pintxoak eta salda beroa banatzen gerturatu diren guztiei. Postuetako saltzaileak oso gustura, eta erosleak, berdin.
Tolosaldeko Ezti Lehiaketa ere jokatu da. Zazpi eztik hartu dute parte, eta irabazlea, Jon Ander Aierbe izan da. Zizurkilgoaren ondoren, Ibai Ormaetxea orendaindarra sailkatu da. Hirugarren postua, azkenik, Mattin Salbarredi berastegiarrarentzat izan da. Hiru hauek izango dira Gipuzkoako Ezti Lehiaketan Tolosaldea ordezkatuko dutenak.