Almitza elkarteko kideek herri kirol erakustaldia egin dute Altzon; ondoren, sagardo lehiaketa egin dute, eta mahaiaren bueltan elkartu dira bazkaltzeko.
Urtea amaitzeko herri kirol erakustaldia egin dute Altzon Almitza elkarteko kideek. Euriagatik elizaren atarian jarri dituzte egurrak, eta trontzan eta aizkoran aritu dira.
Herri kirolen ostean sagardo lehiaketa egin dute, eta ondoren bazkaria izan dute. Altzoko ekitaldia datorren urteko egutegia antolatzeko ere baliatu dutela aipatu dute elkarteko kideek, hala nola, txapelketetako egutegiak, munduko txapelketa eta bertarako parte hartzaileak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!