Almitza Sega Elkarteak antolatuta, Emakumezkoen III. Binakako Sega Sail Lehiaketa izan da gaur jokoan Altzoko Berakoetxeako Etxazpi belardian. Lau bikotek parte hartu dute eta bakoitzak 300 metro karratu moztu behar izan ditu ahalik eta azkarren, baina txukuntasuna ere kontuan hartu da. Horretan azkarrenak izan dira Izadi Arrospide leaburuarra eta Maide Garmendia, 15 minutu eta 57 segundorekin amaitu baitituzte lanak.
Irabazleek atzetik izan dituzte Alaitz Imaz hernialdetarra eta Jugatx Agirre berastegiarra. Hauek 15 minutu eta 22 segundo behar izan dituzte lanak amaitzeko. Hirugarren Irati Astondoa eta Malou Henriksen izan dira, 16 minutu eta bederatzi segundorekin. Azken postuan, berriz, Luixa Uzkudun leaburuarra eta Susana Lopez izan dira, 17 minutu eta 28 segundorekin.