Abantaila handiaren joan ziren itzulerako jardunaldira altzotarrak. etxean 3-0 irabazita, aukera handiak zituzten kanporaketa irabazteko, eta horrela gertatu zen. Bergararren etxean 1-2 irabazi zuten eta aurrera egin dute Gipuzkoako Herriarteko Pilota Txapelketan, eskuzko modalitatean.
Kadeteetan irabazi egin zuten altzotarrek, Murua-Elola bikoa 22-11 gailendu baitzitzaien Etxabe-Ormaetxea bergararrei. Jubeniletan ere gauza bera gertatu zen: Olano-Iturrioz bikoak 22-16 irabazi zioten Alberdi-Lazpiur bikoteari. Azkenik, nagusien partida galdu egin zuten: Zubeldia-Uzkudun bikoak 12-22 egin zuen Etxaniz-Rezusta bergararren aurka.
Hurrengo kanporaketa, final-zortzirenak, Hernaniren aurka izango du Altzok. Joaneko jardunaldia etxean jokatuko dute, larunbatean, maiatzak 13, 18:00etan hasita.