Pilota munduan Bergara izan handiko herria da. Reyes Azkoitiak urte luzez lan egin du bertako pilota eskolan. Izenak, beraz, izana dauka. Egun, ordea, Altzok oso talde polita osatu du herriarteko txapelketarako. Gazteen mailan, Murua-Elolak zeresana emateko gaia daukate. Hori ikusi zen larunbatean, Etxabe-Ormaetxea 22-9 mendean hartuz. Jubeniletan, Iturriotz-Olanok 22-16 garaitu zituzten Alberdi-Lazpiur bergararrak. Gauza bera egin zuten Olano-Zubeldiak, 22-5 irabaziz Etxaniz-Otermini.
Orain itzulerako hiru partidak jokatuko beharko dituzte Bergaran. Hitzordua ostiral honetan jarri dute, 20:00etan. Aipatzekoa, Altzoko pilotalekuak erakutsi zuen itsura joan den larunbatean. Zale ugari elkartu zen Altzo Muinora, eta pilotariek eskertu zuten sortutako giroa.