Ihes egin zuen autoa kolore argikoa dela uste dute. "Mekanikariaren arabera, zuria edo grisa izan daiteke", adierazi du istripua izan zuen bikotearen alabak; "aitak ere zuria zen errezeloa dauka". Larunbatean gertatua honela kontatzen du: "Altzotik behera zihoazen gurasoak, Txarama alderantz. Azken errebuelta horietako batean, Altzo aldera igotzen ari zen kotxe bat gainera etorri zitzaien. Kolpea saihestu nahian, aita kunetara bota zuen, baina hala eta guztiz ere aurreko aldean jo zuen, gurpila lehertuz eta direkzioa puskatuz. Beste kotxea ez zen gelditu, eta ihes egin zuen. Altzo aldera ihes egin zuen autoak ezkerreko aldean kolpea izango du. Atzeko abatz-estalkia edo tapacubos-a bertan utzi zuelako, errepidearen erdian puskatuta".
Auto horren inguruan inork informaziorik izango balu, 653 01 00 63 zenbakira deitzea eskatu dute.