Txakolin dastaketa egin dute gaurkoan, eta gainera, tripa guztiz betetzeko tortilla, txorizo eta haragi egosi pintxoak ere eduki dituzte aukeran.
Haurrak izan dira goizeko protagonista nagusiak. Txirrindularitza lasterketaren ostean, indarrak hartzeko hamaiketakoa eta haur jolasetan aritu baitira. Hala ere, helduek ere San Inazio festetako azken egunean ase geratzeko aukera ere izan dute. Herriko plazan elkartu dira herritarrak txakolina dastatu eta tortilla, txorizo eta haragi egosi pintxoarekin tripa betetzeko. Bitartean, toka txapelketa ere egin dute. Pikeak pike, barre algara artean giro ederra sortu du lehiak.
Gaur gauera arte jarraituko du festak Altzon. Egitarau osoa hemen ikusgai.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!