Tipula atera da lurretik eta abiatu dituzte San Inazio festak Altzon. 18:00etan bota dute jaiak hasi direla iragartzeko suziria eta herriko haurrek, tipulari gorazarre egin diote. Plazaren erdira ekarri eta ludotekan ikasitako abestia kantatu diote dantza egiten zuten bitartean.
Artea dantza taldeko umeak izan dira ondoren protagonista. Adinka aritu dira ikasitako dantzak eskaintzen eta bertaratutako herritarrek txaloz erantzun diete gaztetxoei. Ondoren, bertsolarien txanda izan da. Ane Zuazubiskar eta Haritz Mujika bertsolariekin poteoa egin dute herrian zehar.
Gaurko egitaraua honela osatuko dute Altzon:
- 20:30. Presoen eskubideen aldeko elkarretaratzea.
- 21:00. Zikiro jatea.
- 00:00. Gabezin
Altzoko jaietan datozen egunetan izango denaren berri, hemen.
