Altzoko Udalak udaleku irekiak antolatuko ditu udari begira, eta begiraleak behar ditu. Udaleku irekiak ekainaren 21etik uztailaren 23ra izango dira, eta 2009 eta 2018 urte artean jaiotako haurrei zuzenduta. Begiraleen kontratazioa ekainaren 16tik uztailaren 23ra bitartekoa izango da, eta izen emate epea zabaldu du.
Beharrezkoa izango da 18 urtetik gorakoa izatea edota 2021ean betetzea, eta euskara ulertu eta ondo hitz egiteko agi izatea.
Baloratuko dituztenen artean daude, zuzendari titulua izatea; begirale titulua izatea; hezkuntzarekin zerikusia duten ikasketak izatea edo burutzen aritzea, ikastaroak, 3. HE / EGA izatea, lan esperientzia eta altzotarra izatea.
Interesatuek Altzoko udaletxean aurkeztu beharko dituzte curriculuma, nortasun agiriaren kopia, osasun txartelaren kopia eta tituluak, eta informazioa egiaztatzeko dokumentazioa. Maiatzak 28, ostirala, da agiriak aurkezteko azken eguna.
Informazio gehiago nahi duenak 943 65 24 13 telefono zenbakira dei dezake, edo kultura@altzo.eus helbide elektronikora idatzi.
Horrez gain, begirale praktikak egiteko aukera emango zaio pertsona bati, baina horretarako ere eskaera egin beharko da.