Tolosaldea Sahararekin elkarteari emateko diru bilketa egin dute aurten ere Altzoko Imaz Bertsolaria eskolan.
Egoera berrira egokituz, familia bakoitzak saskia osatzeko nahi duen produktua eraman du eskolara. Pandero batetik hasi, eta panpina edota jateko eta edateko produktu ezberdinez osatutako otarra osatu dute zozketatzeko, eta txartelak saldu dituzte dirua biltzeko. Guztira, txartelez txartel, 600 euro osatu dituzte, eta saskiaren zozketa biharko loteriaren zenbakiarekin aterako da.
Gaur ekitalditxoa egin dute eskolan, eta Tolosaldea Sahararekin elkarteari txekea eman diote eskolako haurrek. Gregorio Eizagirre izan da bertan txekea jasotzeko.
Ez da dirua biltzea soilik Altzon egiten dutena. Saharaz eta sahararrez, eta bizitzen ari diren egoeraz zerbait ikasi dute Altzoko haurrek. Eskolako ikasle helduenekin landu dute gaia irakasleek.