Gaurko goiza trikiti doinuekin esnatu da Altzon. Herriko Loatzoko trikitilariek Altzoko kaleak zeharkatu dituzte musika doinua jarriz herriari.
San Inazio egunaren bezpera izaki, festa eguna izango zuten altzotarrek. Gaur, ordea, goizeko trikiti doinuez gain, dantza ikuskizuna izan dute: Errimak bi oinetan dantza ikuskizuna, Haatik Dantza Konpainiaren eskutik. Eserlekuak bete dituzte, segurtasun neurriak betez.
Hurrengo bi egunetan ere izango dute kultur ekitaldiez gozatzeko aukera.
Uztailak 31, ostirala
San Inazio eguna
Goiz eresia herriko txistulariekin.
19:00. Bertso jaialdia. Andoni Egaña, Uxue Alberdi, Aitor Mendiluze, Julio Soto, Nerea Elustondo eta Eli Pagola. Gai jartzailea: Manu Olano.
Abuztuak 1, larunbata
12:30. Artea dantza taldearen ikuskizuna.
Oharra: Ikuskizunetako sarrerak mugatuak izango dira, eta aldez aurretik jakinaraziko da sarrerak non eta nola eskuratu daitezkeen. Ekitaldi guztietara maskara eraman beharko da eta unean uneko baldintzek eskatzen dituzten segurtasun neurriak bete beharko dira.