Altzoko Udalak herriko ostatuaren ustiapena lehiaketara atera du. Altzoko ostatuan taberna, jatetxea, denda eta informazio puntua eskaintzeko zerbitzuak ustiatu beharko ditu esleituak, eta kudeatzeaz gain, instalazioak mantendu beharko ditu.
Lehiaketa bidez aukeratua izango da ustiapena aurrera eramango duena, eta kontratuaren iraupena 10 urtekoa izango litzateke. Pertsona fisiko eta juridikoek parte hartu ahal izango dute, eta esleipendunak 2.000 euroko bermea jarri beharko du. Interesatuek urtarrilaren 13a izango dute beraien eskaintzak aurkezteko azken eguna.
Proposamenak Altzoko udaletxean aurkeztu beharko dira, astelehenetik ostiralera, 09:00etatik 14:00etara. Udaletik adierazi dute, kontuan hartzeko udal bulegoak itxita egongo direla abenduaren 24tik urtarrilaren 1era bitarte, biak barne.
Aurkeztu beharreko dokumentazioa bi kartazaletan banatu beharko da. A kartazalean, I. eranskina, kontratatzeko gaitasuna eta kaudimena aurkeztu beharko dira. B kartazalean, II. eranskina eta Lan Memoria, esleitzeko irizpideak eta lan proposamena. Informazio guztia Altzoko udaletxean edo 943 65 24 13 zenbakira deituta lor daiteke.