XXIII. Olentzerotan Jakin-Minez ekimena gaur abiatu dute Altzon, IV. Azokarekin. Goizean zehar, 35 postu bisitatu, produktuak dastatu, erosi eta nekazari nahiz artisauekin hitz egiteko aukera izan da. Eguraldiagatik, frontoian egin dute aurten ere; hala ere, jende ugari gerturatu da.
Altzon Azoka Eguna ospatzen ari dira gaur. Herritarrek nahiz kanpotik etorritakoek postuz bete dute frontoia, eta txiki geratu da. Janarien eta edarien postuak ez ziren falta, eta artisau postu ugari izan da. Berrikuntza modura, patearen eta kontserben postu bana izan dira, baita bi upategi ezberdinetako ardoak ere. Bestetik, taloen postu bat ere izan da, eta herriko gazteek ere barra jarri dute, pintxoekin eta edariekin.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?