Kutxazaina kendu nahi dutelako kexu da Altzoko Udala

Tolosaldeko Ataria 2019ko aza. 13a, 09:00

Altzoko Udalak herrian duten kutxazaina kendu nahi dutela salatu du. Kutxak, udaletxeko eraikinaren sarreran duela 12 urte jarri zuen kutxazaina, hau da, 2007. urtean.

Txomin Rezola alkateak adierazi duenez: «Alkate kargua hartu, eta berehala etorri ziren kendu egingo zutela esanez. Ezetz esan genien, eta urtebetez luzatzea lortu genuen, baina kendu egin nahi digute». Altzotarrei zerbitzu bat ematen die herrian kutxazaina izateak, eta kutxazainik ezean, nahi eta nahiez, herritik atera beharko dutela nabarmendu du: «Herritarrei ematen dien zerbitzuaz gain, taberna bat ere badugu herrian, eta kanpotik datozenentzat ere garrantzitsua da herrian kutxazaina izatea».

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!