Altzoko jaiak 2019

Gurpil gainean hasi dute eguna Altzon

Festetako azken eguna umeen txirrindulari lasterketarekin hasi dute Altzon.

11:00etarako Altzoko txirrindulari txikiak plazara hurbildu dira, txirrindulari lasterketan parte hartzeko prest. Adinaren arabera, hainbat mailatan banatu dira.

Irabazleei dagokienez, Markel Erauskinek lortu du garaikurra sei urte artekoetan, Manex Luluagak zazpi eta zortzi urtekoetan, Martin Arsuagak bederatzi eta hamar urtekoetan, Oier Orejak hamaika eta hamabi dituztenen artean eta Eneko Muruak hamahiru eta hamalau urtekoen mailan.

Lasterketa amaitutakoan, taldeko argazkia atera dute parte hartzaile guztiek eta hamaiketakoa ere izan dute, indarrak berreskuratzeko. Oraindik badago festaz gozatzeko aukera Altzon. Ikusi egitaraua hemen.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!