"Zer zare, reglakin?", "Hain arropa gutxikin urduri jartze nazu", "Muxu bat emate baiazu, utzikoizut juten", "Jazte zeate ta...", "Joe ze zakarra, hola eztezu mutilik lortuko", "Hoi errapek", "Zu zeanakin zure mutilai adarrak 10.000 aldiz jarriko zenizkion". "Susa al zare?".Horiek guztiak eta antzeko beste hainbat esaldi, festa giroko errutinaren zati dira, festa giroan dabiltzan erdientzat: emakumeentzat. Eraso matxistek ekintzetatik bezainbeste dute hitzetatik, eta Altzoko B-Eroa talde feministak horri heldu nahi izan dio, San Inazio jaiak baliatu eta beren jarduna garatzeko.
Esaldi horietako zenbait bildu, eta herria pankartaz bete zuten joan den asteburuan, parranda giroa sortuko zela aurreikusita. Horrela, Altzoko plaza inguruetan ez ezik, sare sozialetan ere zabalkundea izan du B-Eroaren egitasmoak. Aipatzekoa da, pankartetan jasotako aipu guztiak eskualdean bertan entzundakoak direla, adierazi duten moduan.
(Argazkiak: Altzoko B-Eroa talde feminista)