Ligako txapeldunak jakiteaz gain, Europako Sega Txapelketarako txartelak zeinentzat diren ezagutuko da.
Europara begira hamabost heldu joango dira, horietatik 10 gizonezkoak eta bost emakumezkoak. Gizonezkoetan 30 urtetik gorakoak gehienez hiru izango dira, eta emakumezkoetan bakarra. Azken neurri hau Europako Txapelketako antolatzaileek hartutakoa da segalari gazteen parte hartzea indartzeko. Gaztetxoen mailatik, 2005ean edo ondoren jaiotakoak, bi mutil eta neska bat joango dira. Gizonezko helduek 10x10 metroko saila ebaki behar dute eta beste guztiek 5x7 metrokoa. Azkarren mozten duenak lortzen ditu puntu gehien, baina txukuntasuna ere kontuan hartzen da, eta horren arabera denbora gehitu daiteke parte hartzaileari.
Eskualdetik ondoko segalariak ari dira parte hartzen ligan: Jugatx Agirre berastegiarra, Ainara Otamendi ibartarra, Alaitz Imaz hernialdearra, Luixa Uzkudun leaburuarra, Amets Otegi gazteluarra, Sheyla Sarasola lizartzarra, Izadi Arrospide leaburuarra, Mikel Lizartza tolosarra, Joakin Garmendia anoetarra, Koldo Arzellus tolosarra, Arkaitz Gabirondo gazteluarra, Amaiur Arrospide leaburuarra eta Iñigo Etxabe belauntzarra.
Sailkapena
EMAKUMEZKOAK
- Alaitz Imaz 120p
- Ainara Otamendi 117p
- Maider Garmendia 116p
- Angels Breto 111p
- Luixa Uzkudun 111p
- Graxi Elosegi 110p
- Sheila Sarasola 108p
- Susana Lopez 107p
- Jugatx Agirre 107p
- Garazi Urkiola 101p
- Irati Astandoa 58p
- Ainhoa Mazkiaran 50p
GIZONEZKOAK
- Bixente Mitxelena 118p
- Jexux Mari Goenaga 117p
- Migel Mari Jauregi 115p
- Julen Gabirondo 113p
- Koldo Arzellus 111p
- Jon Otegi 111p
- Mikel Lizartza 109p
- Pabi Astondoa 105p
- Joxe Atin 104p
- Mikel Alkorta 104p
- Suharri Irazustabarrena 103p
- Joakin Garmendia 98p
- Amaiur Arrospide 96p
NESKAK
- Izadi Arrospide 120p
- June Mikeo 118p
MUTILAK
- Josu Mendizabal 119p
- Jokin Mikeo 117p
- Arkaitz Gabirondo 117p
- Iñigo Etxabe 115p
- Auritz Alkorta 120p
- Oier Mitxelena 118p
- Mattin Etxarri 116p
- Xabi Beamont 114p
- Oier Tejeria 56p