Bihar bertan, solasaldia izango dute Argentina, aborto legala orain eta bertako Las Bomberas erakundeko partaide bati egindako elkarrizketaren berri emango dute. Astebete beranduago, irrintzi tailerra izango da. Irrintziak botatzeko teknikak eta osasunean dituen onurak erakutsiko ditu Amaia Garciak. Azken ekitaldian, esaterako, Erradikalak ginen antzezlanaren entsegu orokorraz gozatzeko aukera izango da. Umorez, eta bertso eta bakarrizketa formatuari eutsiz, feminismoa zehar lerrotzat hartutako saioa izango da.
MARTXO MOREA
Martxoak 15, ostirala
19:00. Argentina, aborto legala orain solasaldia, Oihane Artolaren eskutik, Batzarremuñon.
Martxoak 22, ostirala
19:00-21:00. Irrintzi tailerra, Amaia Garcia Uriondo bermeotarraren eskutik, Batzarremuñon.
Martxoak 23, larunbata
17:00. Edurne zuriren ipuin berria ipuin kontaketa, Leire Zinkunegiren eskutik, Batzarremuñon.
Martxoak 30, larunbata
17:00. Hairspray filma, balioanizteko gelan.
17:00. Erradikalak ginen antzezlanaren entsegu orokorra, 16 urtetik gorakoentzat, Batzarremuñon.