Antzerkia urrian ziren egitekoak, baina eguraldia zela eta, atzeratzea erabaki zuten. Komeni da herri antzerkia ikustera joan nahi dutenek kotxea Altzo Muinon uztea, eta bukatutakoan jasotzea. Hain justu, Altzo Muinotik 10:30ean oinez abiatuko dira antzerkiko parte hartzaileak zein nahi duten guztiak Altzo Azpira.
Antzezlan ibiltaria Migel Joakin Eleizegi Altzoko Handiaren bizitzan oinarrituta dago eta 30 herritar inguruk hartuko dute parte. Agustin Amianok zuzendu du lana eta gidoia ere berak idatzi du. Antzezlanaz gain, hainbat lan edo erakustaldi egongo dira, ibilaldia borobiltzeko helburuz.