Guztira, 16 bikotek hartu zuten parte herriko jaien barruan ospatu ohi duten txapelketan. Tradizio bilakatu da dagoeneko jarduera hau, eta aurten ere, 8 erregetara jokatu dute. Bikote bakoitzak, hurrengo fasera sailkatzeko 40 puntuko 3 ustel irabazi behar zituen, eta horiek lortzen bakarrak, Joxe Amiano eta Andres Agirre izan ziren.
Haiekin finalean aritu baina irabazterik izan ez zutenak, berriz, Joxe Manuel Artola herritarra eta Alfonso Alegrías izan ziren. Azken emaitza hiru eta bikoa izan zen. Hirugarren eta laugarren postuetarako lehian ere bertakoak izan ziren nagusi: Aitor Murua eta Ander Zubeldia. Hauek, Iñaki Olano herritarra eta Leaburu bedaiotarra garaitu behar izan zituzten.