Jan-edanak alde batera utzi eta arratsaldea kultur ekitaldiz josia izango dute altzotarrek. Hasteko, Kukai dantza konpainiaren eskutik, Gelajauziak ikuskizuna izango da plazan, 18:00etatik aurrera. Segidan, trikiti doinuak izango dira, Joselu Anaiak taldearekin.
Gauean, berriz, bertso doinuek hartuko dute Altzo. Sustrai Colina, Andoni Egaña, Maialen Lujanbio, Aitor Mendiluze, Oihana Iguaran eta Haritz Mujika arituko dira 22:30etik aurrera herriko frontoian. Gai-jartzaile lanetan, berriz, Manu Olano.