Txikienak izan dira jokatzen lehenak. Estua izan da lehia, gainera. Gailur Elduaienek eta Unax Artetxek irabaziko zutela zirudienean, tanto bolada ona egin eta atzekoz aurrera etorrita garaipena lortu dute Alex Artetxek eta Lander Isasik.
Gaztetxoen mailan, Eñaut Elduaien eta Harkaitz Murua izan dira txapeldun. 18-13 irabazi diete Mauro Bach eta Jokin Olanori. Neurketako anekdotako protagonista izan da Elduaien, azken tantoan zapatila atera eta gabe jokatu baitu, neurketa amaitu arte.
Nagusien mailan, berriz, nagusitasun osoz gailendu dira Intxurre Pilota Eskolako Amets Uzkudun eta Iker Zubeldia. Andoni Iturriotz eta Mikel Goitia seian utzi dituzte.
Final guztiak amaitu ostean, sariak banatu dituzte. Parte hartu duten gaztetxo guztiek esku pilota bana jaso dute, eta amaitzeko talde argazkia atera dute.