Altzoko Saninazio Jaiak 2018

Altzoko Handiaren herrira erraldoiak joan dira bisitan

Altzoko erraldoia jaio zela 200 urte bete dira aurten eta erraldoien topaketa egin dute omenaldi modura. Txantreako eta Bergarako konpartsek hartu dute parte.

Herrian barrena jai giroan ibili dira Txantreako eta Bergarako konpartsetako erraldoiak. Eskolatik abiatuta kalejira egin dute lehendabizi herrian barrena, eta plazan dantzekin amaitu dute topaketa. Guztira hamalau erraldoi handi eta hainbat txikik hartu dute parte, eta ipotxak ere izan dituzte lagun. Ondoren, afal aurretik sorpresa bat izan dute herritarrek. Iñaki Moyuak egindako erraldoiaren erreplika dagoen lekuko atea zabaldu dute, eta jendeak gerturatu eta argazkiak ateratzeko moduan jarri dute une batez. Horren ostean, Zahagi ardorako prestatu dira eta gauean, Artea eta Alurr dantza taldeen emanaldia izango dute frontoian. Jarraian, Gabenara musika taldearekin dantzaldia izango dute.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!