95 korrikalarik hartu zuten parte 25 kilometroko lasterketa luzean. Julen Larruzea larrabetzuarrak irabazi zuen, helmugara errenka iritsi zen arren, 02:13:20ko denbora eginda.
Sprintean erabaki ziren bigarren eta hirugarren postua. Olanok, baina, hirugarren postuarekin konformatu behar izan zuen, Martin Diez segurarra segundo bat lehenago helmugaratu baitzen.
Lehen 20 sailkatuen artean bada eskualdekorik: Ibai Madina berrobitarra zazpigarren izan zen, (02:23:30) eta Iosu Goñi amezketarra 12. postuan sartu zen helmugan (02:29:52).
Emakumezkoetan azkarrena, Ainhoa Sanz urretxuarra izan zen (02:34:45). Bigarren Marta Antoñana bizkaitarra helmugaratu zen, eta hirugarren Amaiur Iglesias errenteriarra izan zen.