Datorren urtea oparoa izan daiteke oso, Handia filma posible egin dutenentzat. Ikuslegoaren babesa jaso dute jada, eta orain zinema munduko adituen txanda izango dela dirudi. Datorren urtean ospatuko diren bi jaialditan sei izendatze dituzte.
GEDA elkarteak (gaztelaniaz, Ikus-Entzunezko produktoreen eskubideak kudeatzen dituen elkartea) antolatzen dituen Forque sarietan fikzioko film luze onenaren saria irabazteko finalisten artean dago Handia filma, Abracadabra, La Librería eta Verano 1993 filmeekin batera. Zaragozan (Espainiako Estatua) egingo dute sari banaketa datorren urtarrilaren 13an. Era berean, erakundeak Zinean eta Hezkuntzan balioak aitortzea helburu duen Forque Saria ere banatuko du eta Handia pelikula hautagaietako bat da.
Feroz sarietan ere lau izendatze ditu; kartelari, jatorrizko musikari, zuzendaritzari eta pelikula dramatiko onenari.
Forque lehiaketan bi sari jaso ahal ditu filmak eta horietako bat da film onenarena; Feroz-en lau hautagaitza ditu.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!