Altzoko Handiari buruzko pelikula Aundiya izenarekin hasi ziren filmatzen. Halere, guztiz erabaki gabe zegoen zein izango zen izena. Aitor Arregik Tolosaldeko Atariari azaldu zioenez, filmari zein izen jartzen dioten azken txanpan erabakitzen dute, eta aurreko proiektuekin ere horrela gertatu zen. Loreak pelikularen proiektua, adibidez, Loreak errepidean izenarekin hasi zuten.
Jon Garaño zuzendariak bere Twitter kontuan azaldu du izenaren aldaketa:
Aundiya, Handiya, Haundia, Haundie, Haundixe, Handia... Ba HANDIA! href="https://twitter.com/Handiafilm">@Handiafilm
— Jon Garaño (@jongarano) 2017(e)ko uztailak 13
Handia filmaren estreinaldia ere zehaztu dute. Urriaren 20ean izango da, eta Euskal Herriko zein Espainiako zinema aretoetan ikusi ahalko da. Aitor Arregik azaldu duenez, oraindik ez dute Donostiako Zinemalditik eskaintzarik jaso filmaren inguruan, hau da, sailen batean sartzeko asmoa duten ala ez. Halere, aste honetan edo hurrengoan gehienez espero dute berriren bat izatea horren inguruan.
Bestalde, aurreko egunetan pelikularen arduradunak Pascal Gaigne konpositorearekin batera izan dira Bratislavan, Slovak Radio Building aretoan, filmaren soinu banda grabatzen.