Udal langileak garai hauetan eta festei begira lan asko izaten duela-eta, bere zereginetan laguntzeko bi langile kontratatzeko deialdia egin du Altzoko Udalak. Ez dela ordezkapena izango garbi utzi dute udaletik, eta lanaldia gutxi gorabehera uztailaren 3tik abuztuaren 11ra bitartean izango dela, lan saio osoan eta festatan larunbat eta jai egunetan ere egunero egin beharko lukete lana.
Bete beharko lituzketen baldintzak hauek dira: euskara maila altua izatea (hitz egiten), langabetuak izatea, gidatzeko baimena edukitzea eta beharrezkoak diren tresnak erabiltzen jakitea. Altzotarrei lehentasuna emango zaie kontratazioa egiterakoan. Interesa dutenek izena eman behar dute ekainaren 19a baino lehen udaleko 943 65 24 13 telefono zenbakira deituz.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?