Abian da San Inazio jaien III. Kartel Lehiaketa

Tolosaldeko Ataria 2017ko eka. 8a, 12:45

Altzoko San Inazio jaiak iragartzeko kartel lehiaketa antolatu dute aurtengorako ere, hirugarrenez, jai batzordetik. Lehiaketa bi mailatan banatuko da, 12 urte artekoa eta 13 urtetik aurrerakoa, eta lanak aurkezteko azken eguna ekainaren 29a izango da.

Sariei dagokionez, haurren mailan marrazteko material sorta jasoko du irabazleak, eta helduen mailan herri afarirako bi sarrera. Aukera guztietako lanak onartuko dira lehiaketarako, hau da, marrazkiak , argazkiak, collageak, argazki muntaiak... Bestalde, jai batzordetik azaldu dutenez, originaltasuna baloratuko dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!