Zaraten ospatzekoa zen gaurko eguna, Bedaio eta Azkarateren arteko mugan, baina, eguraldiak lagundu ez duenez, Altzon elkartu dira. Bertsoak izan dira ardatz gaurko egunean. Goizean, bertso saio librea egin dute trikitilarien laguntzarekin eta herri bazkaria egin ondoren ere, bertsoek hartu dute lekua. Santa Barbara ermitan kantatzea egokitu zaie gaurko bertsolariei. Besteak beste, Iñigo Gorostarzu, Angel Mari Peñagarikano, Sebastian Lizaso, Iker Zubeldia, Julio Soto eta Andoni Egaña aritu dira kantuan.