Gazte Eguna ospatzen ari dira Altzon. 10:30ean, ezagutza jolasak eta sentipen tailerrak egin dituzte Otsabiope gaztetxean. Gorputza sentitzeko eta bizitzeko hainbat teknika praktikatu dituzte tailer horretan. Gorputza are gehiago askatzeko aukera izan dute ondoren; izan ere, Zumba tailerra egin dute herriko plazan Izaro Olano herritarrak gidatuta.
13:00etan poteoa egin dute, eta 14:00etan elkarrekin bazkalduko dute herriko gazteek. 16:00etan, jolasak egingo dituzte, trikiti doinuez alaituta.
18:00etan, txupinazoa
18:00etan, txupinazoa izango da, eta ofiziaki hasiko dira San Inazioak. 18:30etan, Artea dantza taldeko haurren emanaldia izango da, eta bertso poteoaren txanda izango da ondoren, Mikel Artola eta Haritz Mujika bertsolariekin.
Honako egitaraua antolatu dute arratsalderako:
18:00. Jaien hasiera.
18:30. Artea dantza taldeko haurren emanaldia.
19:30. Bertso poteoa, Mikel Artola eta Haritz Mujika bertsolariekin.
20:45. Presoen eskubideen aldeko kontzentrazioa.
21:00. Lur Lan basatxerri eta bertako produktuekin, herri afaria.
00:00etatik aurrera, kontzertuak:
- Skakeitan
- Eta abar kolektiboa
- DJ Pintxitos